Bytjieklas
6 – 18 maandeOns mini-baba-bytjies. Mylpale soos sit, kruip en klap, en oggende vol musiek, speel, gebed en Bybelstories.
Christelike speelskool · Silver Lakes, Pretoria-Oos
Klein stemmetjies, groot lof.
’n Warm, veilige plek vir kinders van 6 maande tot 4 jaar. Ons leer deur te speel, in klein klasse, by juffrouens vir wie dit ’n roeping is.
Nog 4 plekke vir 2027Kontak Rize vir meer inligting en om ’n skoolbesoek te reël. Kontak ons
Ons storie
Dit het begin met drie maatjies
In 2018 het Rize Lubbe LIEF begin met drie maatjies in haar ouers se motorhuis: ’n jong meisie met ’n liefde vir kinders en ’n hart vol drome.
Deur God se genade het LIEF gegroei tot ’n speelskool met drie klasse. Die hele familie is steeds betrokke, en baie lief vir al die lyfies wat in Moekie en Pa se huis leer en voor ons oë grootword.
“In 2027 sien ek uit dat ons skool groei in dit waartoe God ons roep, en in die droom en visie wat Hy nege jaar gelede in my hart kom sit het.”Rize Lubbe, stigter van LIEF
Ons waardes
ons LIEFJesus
Ons fondasie is ons liefde vir God, ons perfekte Vader. Dit vorm die basis van alles wat ons doen, leer en uitleef.
Elke dag leer die kinders van Jesus, en ons sing en bid saam. Ons juffrouens kom gereeld as personeel saam om ons skool en elke kind in gebed aan God op te dra. Ons glo ons is geroep om dissipels van ons kinders te maak.
“Kinders en babas besing u lof…”Psalm 8:3 (NLV)
ons LIEFkinders
Ons kinders is die hart van LIEF. Elke besluit word geneem met liefde vir elke kind, met sy of haar unieke ontwikkeling, groei, veiligheid en welstand in gedagte.
Ons hou by streng verhoudings tussen juffrouens en maatjies en is graag deursigtig daaroor. Ons maak geen toegewings oor die getal kinders in ’n klas nie.
ons LIEFfamilie
Ons koester en ondersteun die gesin as geheel.
Ons skep ’n gesonde, veilige omgewing waar verhoudings, samewerking en ’n sterk gemeenskap tussen LIEF en ons families voorop staan, met oop en eerlike kommunikasie. Moedersdag, Vadersdag en Ouma-en-Oupa-dag is hoogtepunte op ons kalender.
LIEF sluit oor skoolvakansies. Ons glo dit hou ons juffrouens, skool en families gesond.
ons LIEFspeel
Ons leer deur te speel en so sin te maak van die wêreld rondom ons.
Elke twee weke is daar ’n nuwe tema, en elke maand deel ons die kalender met die maand se gebeure. Elke dag is vol ouderdomsgepaste aktiwiteite:
- Groot- en fynmotoriese aktiwiteite
- Temabesprekings
- Perseptuele en intellektuele aktiwiteite
- Musiek en beweging
- Rympies en liedjies
- Sensoriese aktiwiteite
- Kunsaktiwiteite
- Vryspel binne en buite
ons LIEFbeweeg
Vanaf 2027 is Kinderkinetika ’n vaste deel van LIEF se program vir elke maatjie.
Kinderkinetika gebruik ouderdomsgepaste, doelgerigte en wetenskaplik gefundeerde aktiwiteite om kinders se grootmotoriese ontwikkeling, balans, koördinasie, liggaamsbewustheid en konsentrasie te bou, en help hulle om met selfvertroue te leer.
Die program word aangebied deur ons voormalige Juffrou Karla Mentz. Kinderkinetika is ’n erkende professie in Suid-Afrika, met vier jaar se universiteitsopleiding. In die Bytjieklas begin maatjies eers met Kinderkinetika wanneer hulle oud en ontwikkel genoeg is.
’n Dag by LIEF
Van die oggenddrukkie tot oplaaityd
Ons skoolure is korter en ons tyd saam met die kinders is doelbewus. So lyk ’n dag by LIEF:
- 07:3007:30 – 08:30
Aflaai
Ouers laai tussen 07:30 en 08:30 af. Een ouer per kind ontvang elke oggend twee kodes per SMS vir die Silver Lakes-hek.
- lofOggend
Lof, gebed en ’n Bybelstorie
Ons leer elke dag van Jesus, en ons sing en bid saam.
- leerOggend
Tema, kuns en ontdek
Temabesprekings, rympies en liedjies, sensoriese spel en kunsaktiwiteite.
- speelLaatoggend
Buite speel en beweeg
Vryspel in die tuin, musiek en beweging, en Kinderkinetika.
- rusMiddag
Slapie
Die kleintjies rus by die skool. Op die laaste dag van elke kwartaal sluit ons om 11:00, en dan word die slapie by die huis geneem.
- 14:0013:15 – 14:00
Oplaai
Tyd om huis toe te gaan, met ’n kop vol nuwe dinge om te vertel.
Ons klasse
Bytjies, skapies en leeus
Drie klein klasse, elkeen met sy eie juffrou en ’n program wat by die ouderdom pas.
Skapieklas
18 maande – 2,5 jaarNuuskierige ontdekkers wat elke dag saam met hul juffrou die wêreld om hulle ontdek en die klein goedjies raaksien.
Leeuklas
2,5 – 4 jaarElke maat se unieke persoonlikheid word ontdek en die beste in elkeen kom na vore. Leeuklas-maats kom elke dag van die week.
In watter klas? Die klas waarin ’n kind geplaas word, hang af van sy of haar ontwikkeling en ouderdomsgroep. Ons besluit dit saam as juffrouens.
Vir die Bytjie- en Skapieklas is daar ’n keuse van 2, 3, 4 of 5 dae per week.
Hoekom ’n speelskool?
Wat maak ’n speelskool anders as ’n crèche?
- Ontwikkeling deur speelTwee keer per jaar ontvang ouers ’n ontwikkelingsverslag met akkurate terugvoer oor hul kind se groei.
- Die hele kind’n Gesonde kind: emosioneel, fisies, sosiaal en geestelik.
- Gesondheid eersteOns is baie streng oor higiëne. Die skool word weekliks deur Sprinkle Spray gespuit, en siek maatjies word huis toe gestuur.
- Korter skoolureOns tyd saam met die kinders is doelbewus, en ons juffrouens kan ook mamma wees vir hul eie kinders.
- Juffrouens met ’n roepingElke juffrou se passie en roeping is om met kinders te werk.
Ons juffrouens
Leer ken die LIEF-span
Saam het ons span baie jare se ervaring met babas en kleuters, en ’n groot liefde vir elke kleintjie.
Stigter en eienaarRize Lubbe
Het LIEF in 2018 begin en neem in 2027 leierskap en oorsig van die skool.
SkapieklasJuffrou Adellè Kamfer
Leef al 18 jaar haar kleindogtertjie-droom uit om ’n kleuterskooljuffrou te wees.
LeeuklasJuffrou Gretha Groenewald
Werk al 26 jaar met kinders, met ’n besondere passie vir 3- tot 4-jariges.
BytjieklasTannie Poppy Masilela
13 jaar se ervaring met kinders, en ’n hart vir ons heel kleinstes.
Assistent-juffrouTannie Winnie Ngwenya
Meer as agt jaar se ervaring met kinders.
Assistent-juffrouTannie Jane Kekana
Vlak 4-kwalifikasie in Vroeëkinderontwikkeling en 12 jaar se ondervinding as professionele verpleegster.
KinderkinetikaJuffrou Karla Mentz
Ons voormalige juffrou bied vanaf 2027 LIEF se Kinderkinetika-program aan.
Ons personeel is opgelei in noodhulp, en ons voldoen volledig aan gesondheids-, veiligheids- en brandveiligheidsvereistes.
Vir ouers
Goed om te weet
Kontak Rize vir fooie, beskikbaarheid en om ’n skoolbesoek te reël.
Skooldatums 2027
Kwartaal 1Begin: 13 JanuarieSluit: 19 Maart
Kwartaal 2Begin: 6 AprilSluit: 25 JunieSkoolvakansiedag 26 April · Vryheidsdag 27 April · Jeugdag 16 Junie
Kwartaal 3Begin: 20 JulieSluit: 22 SeptemberVrouedag 9 Augustus
Kwartaal 4Begin: 5 OktoberSluit: 8 Desember
Op die laaste dag van elke kwartaal sluit die skool om 11:00.
Skoolure
- Aflaai: 07:30 – 08:30
- Oplaai: 13:15 – 14:00
- Een ouer per kind ontvang elke oggend twee kodes per SMS vir die Silver Lakes-hek.
Wat is ingesluit
- Twee ontwikkelingsverslae per jaar.
- Skoolklere: somersklere en ’n wintertrui.
- Fotodag en konsertklere.
- Siftings: spraakterapie (Melani Neiteler Praktyk), gehoor (Kind to hearing), en ’n tandheelkundige poppekas en ondersoek (Dental Beautique).
- Bederfies op spesiale dae deur die jaar, soos Valentynsdag, Moedersdag en Vadersdag.
Dae per week
- Leeuklas-maats kom elke dag van die week skool toe.
- In die Bytjie- en Skapieklas kan ouers 2 of 3 dae kies. Kinders word dan op vaste dae ingedeel, sodat daar net ’n sekere getal kinders per dag is.
- Dae wat weens siekte of ’n langnaweek of vakansiedag gemis word, kan ongelukkig nie omgeruil of ingehaal word nie.
- Indien 2 of 3 dae aan die begin van die jaar gekies word, beteken dit nie dat daar later in die jaar plek sal wees om meer dae by te voeg nie.
Buitemuurse aktiwiteite
Ons bied die volgende buitemuurse aktiwiteite aan:
- Ballet
- Rugby
- Play Ball
- EQ 4 Kids
- Kindermusiek
Buitemuurse aktiwiteite kos ekstra, en ons laat weet jou wat dit kos sodra ons weet hoeveel kinders belangstel.
Gesondheid en siekte
- Aansteeklike siektes: hou jou kind asseblief by die huis, of bring ’n brief van die dokter wat bevestig dat dit nie aansteeklik is nie. Dit sluit maagvirusse, ooginfeksies, waterpokkies, sproei, masels, Duitse masels, pampoentjies, meningitis en tonsillitis in.
- Koors: ’n koors bo 39 °C is ’n teken dat iets ernstig fout is. Ons verkies dan dat ’n dokter jou kind ondersoek.
- Medikasie wat gedurende die dag gegee moet word, moet skriftelik aan jou kind se juffrou deurgegee word.
Inskrywing
Bespreek eers ’n skoolbesoek. Kom kuier, ontmoet die juffrouens en kyk self hoe ’n dag by LIEF lyk. Daarna kan jy die inskrywingsvorm voltooi.
Kontak
Kom kuier by LIEF
Die beste manier om LIEF te leer ken, is om self te kom kyk. Stuur vir Rize ’n WhatsApp om ’n skoolbesoek te bespreek. Daar is nog 4 plekke vir 2027.
WhatsApp en foon076 838 6515
AdresNormanstraat 8, Silver Lakes, Pretoria, 0054
Binne die Silver Lakes-landgoed. Ons reël toegang vir jou besoek.